Regluvörðurinn
Vaktaplan er eina kerfið sem les kennitölur starfsmanna til að reikna út aldur og beita réttum vinnureglum sjálfkrafa.
11 Tíma Hvíld
Samkvæmt kjarasamningum eiga starfsmenn rétt á 11 tíma samfelldri hvíld á hverjum sólarhring.
Hvernig kerfið varar við
Ef þú setur starfsmann á kvöldvakt (t.d. til 23:00) og svo á morgunvakt (t.d. 08:00) daginn eftir, eru aðeins 9 tímar á milli.
Vaktaplan varar við áður en þú úthlutar vaktinni: þegar þú velur starfsmann sérðu strax hversu mikla hvíld hann fengi. Vaktir sem brjóta regluna fá viðvörunarmerki í vaktaplaninu og fullar upplýsingar birtast þegar músin er yfir.
Frítökuréttur — það sem brotin kosta
Fáir stjórnendur vita að skert hvíld er ekki bara reglubrot — hún er beinn launakostnaður. Samkvæmt kjarasamningum myndast frítökuréttur þegar starfsmaður mætir til vinnu áður en 11 tíma hvíld er náð: 1,5 klukkustund í launuðu fríi fyrir hverja klukkustund sem hvíldin skerðist, og hann á að koma fram á launaseðli.
Dæmi
Starfsmaður klárar kvöldvakt kl. 23:00 og mætir aftur kl. 08:00 — 9 tíma hvíld í stað 11. Hvíldin skertist um 2 tíma, svo starfsmaðurinn safnar 3 klst. í frítökurétt. Gerist þetta vikulega hjá nokkrum starfsmönnum safnast heilir frídagar á launaskrána — án þess að nokkur taki eftir því.
Vaktaplan reiknar frítökuréttinn sjálfkrafa: viðvörunin sýnir kostnaðinn um leið og vaktin er sett inn, og uppsafnaður frítökuréttur hvers starfsmanns birtist í Tímaafstemmingu fyrir launavinnslu.
Vikuhvíld, 48 tíma hámark og fyrirvari
Regluvörðurinn vaktar fleiri ákvæði vinnutímalöggjafarinnar á meðan þú raðar:
Starfsmaður á rétt á 35 klst. samfelldri hvíld í hverri viku. Kerfið flaggar þegar vika er skipulögð án hennar.
Vinnuvika má ekki fara yfir 48 klst. að meðaltali. Kerfið gefur snemmviðvörun þegar vika fer yfir mörkin.
Við birtingu sérðu fyrirvara vaktskrárinnar og áminningu um 15 mín. hléréttinn á vöktum yfir 6 klst.
Reglur um ungt fólk
Vinnueftirlitið er með mjög skýrar (og flóknar) reglur um vinnutíma barna og ungmenna. Vaktaplan kann þær utanbókar.
- ❌ Mega ekki vinna eftir 20:00 (skólatími)
- ❌ Mega ekki vinna meira en 2 tíma á skóladögum
- ❌ Mega ekki vinna meira en 7 tíma á frídögum
- ❌ Mega ekki vinna eftir 22:00 (nema undantekningar)
- ❌ Mega ekki vinna meira en 8 tíma á dag
*Kerfið reiknar aldur sjálfkrafa út frá kennitölu. Þegar starfsmaður verður 18 ára, hverfa takmarkanirnar sjálfkrafa.